பாமாலை - சிவ சக்தித் தாயாரின் திருவடிகளுக்குச் சமர்ப்பணம்.

ஆதியும் அந்தமும் இல்லா ஜோதியே,

அருணையில் அசலமாய் அமர்பவள் நீயே,

அடி முடி அறிந்திடா அடியவர் மனதினில்,

அருந்தவ தபசியாய் உறைபவள் நீயே... !                                 (ஆதியும்.... )

வினைகளின் சுமையை சுமந்திடும் அடியவர்,

தொடர்ந்திடும் பிறவியின் தொடர் அறுப்பாயே,

இருளினில் தனிமையில் தவிப்பவர் மனதினில்,

உள்ளொளியாக உறைபவள் நீயே... !                                         (ஆதியும்... )

புலன் வழியாக புறம் செல்லும் மனதினை,

அகத்தினில் இருந்து இழுப்பவள் நீயே,

மனத்தினில் தோன்றும் வினைகளின் விளைவை,

முளைவிடும் முன்னே முறிப்பவள் நீயே... !                           (ஆதியும்... )

கடமைகள் யாவும் கடந்திங்கு போக,

கருவியாய் என்னை மாற்றிடு தாயே,

தாமரை போலே நிரினில் வாழும்,

நிலையதை எனக்கு அருளிடு நீயே... !                                        (ஆதியும்... )

உள்ளொளி காட்டி உணர்வினை ஊட்டி,

இருமையை அழிக்கும் அருள் பெரும் சுடரே,

நானென்பதழிந்து தான் என்பதாகி,

தன்னுள் நிலைக்கும் நிலை அருள்வாயே... !                           (ஆதியும்... )

(தாயாரின் அருளினால்... 28.8.2019 அன்று உருவான பாடல்... )

ஸாய்ராம்.